Pro 9 | ZomZIV | STEP | Pilna in khuampi sagihte sui khin a; a inn lam khin hi;

Proverbs 9

Pilna le Haina Sapna

1 Pilna in khuampi sagihte sui khin a; ^a
a inn lam khin hi;
2 Amah in sasem khinin, zu leih khin a;
a sabuai zong phah khin hi.
3 A innteng numeite sawlkhia khin a, ^b
khuapi sung bosangpenna mun tengah a kikosak hi.
4 “Thu khentel thei lote kiangah,
“Mimawl khempeuh hih lai-ah hong paisak un!” ^c
5 “Hong pai-in ka an ne unla,
ka leihsa zu dawn un. ^d
6 Na haina nusia lecin na nungta ding hi; ^e
theihtelna lampi tawn in. ^f
7 “Mi simmawhte a puahpha peuhmah engkona sam hi-a;
migilote a tai peuhmah engkona kitut ahi hi. ^g
8 Mi simmawh khat tai kei in, hong mudah ding hi; ^h
mipil khat tai lecin hong it ding hi. ⁱ
9 Mipil khat lamlak lecin pil semsem dinga;
thumaan mi khat hilh lecin a theihna behlap ding hi. ^j
10 “TOPA kihtakna in pilna kipatna hi-a,
Siangtho Pa theihna in theihtelna ahi hi.
11 Ahang in, kei tungtawnin na khan sawt dinga,
na nuntak kum kibehlap ding hi. ^k
12 Na pil leh pilna pahtakman na sang dinga;
mi na simmawh leh nang guak in na thuak ding hi,” ci hi.
13 Numei Hai nak pau-a;
amah kisek thei loin theihna nei lo ahi hi.
14 A inn kongkhak ah tu-in,
khuapi bosangpen tutphah ah tu-a, ^l
15 amau santek-a pai
tua lai tawnte a sam hi. ^m
16 Thu a khentel thei lo mite kiangah,
“Mimawl khempeuh hih lai-ah hong pai un!” ⁿ
17 “Guksim tui khum a,
an neksim lim diak hi!” ci hi. ^o
18 Ahi hangin amaute in tua lai-ah misite om a,
ama lenglate hanthukpi ^{▼▼9.18 Hebrew ah Sheol} sungah om ahilam a thei kei uh hi.